Тошкентда мудҳиш ЙТҲ: икки киши ҳалок бўлди
Кеча, 7 июнь куни соат тахминан 22:10ларда Мирзо Улуғбек туманидаги Тошкент ҳалқа автомобиль йўлида («CRAFERS» заводи) йўл-транспорт ҳодисаси содир бўлди.
Пойтахт ИИББ хабарига кўра, пиёда, 22 ёшли Г.И. йўлни белгиланмаган жойдан, пиёдалар ўтиш йўлагидан 25 метр нарида кесиб ўтаётган бўлган. «Ласетти» енгил автомашинаси ҳайдовчиси, 41 ёшли Х.Х. пиёдани уриб кетган. Шундан сўнг у бошқарувни йўқотиб, «Кобальт» (ҳайдовчиси 49 ёшли Ю.А.) автомобили билан тўқнашган. «Ласетти» уриб кетиши оқибатида пиёда 39 ёшли К.Д. бошқарувида бўлган «Shacman» юк машинаси остида қолган.
Хабарда айтилишича, ЙТҲ туфайли пиёда Г.И. ва «Ласетти» автомобили йўловчиси 38 ёшли О.М. воқеа жойида ҳалок бўлган. «Кобальт» йўловчиси, 23 ёшли Ю.А. тан жароҳатлари билан шифохонага олиб кетилди. «Ласетти» автомобили ҳайдовчисига тиббий ёрдам амбулатор шароитда кўрсатилди, шундан кейин у касалхонадан чиқарилди.
Дастлабки маълумотларга кўра, ЙТҲга пиёда йўлни белгиланмаган жойдан, пиёдалар ўтиш йўлагидан 25 метр наридан кесиб ўтаётгани сабаб бўлган, дейилади ИИББ хабарида.
Тергов давомида «Ласетти» ҳайдовчисининг айбдорлик даражаси ўрнатилади.
«Ҳурматли ҳайдовчилар ва пиёдалар! Йўл ҳаракати қоидаларига риоя қилинг! Ёдингизда бўлсин: битта нотўғри қадам сизнинг ва йўл ҳаракати бошқа қатнашчиларининг умрига зомин бўлиши мумкин», - дейилади хабарда.
Мавзуга оид
14:04 / 22.09.2024
Тошкентда катта тезликда ҳаракатланган ҳайдовчи 19 ёшли қизнинг ҳаётига зомин бўлди
07:30 / 21.09.2024
Тошкентда машинасини сотишни айтиб, ўзганинг пулини ўзлаштирган шахс ушланди
14:28 / 20.09.2024
Сергелида BYD уриб юборган ўқувчи қиз вафот этди
12:20 / 20.09.2024