Ички ишлар вазирлиги яна 3 камерунлик ушланганини маълум қилди
Аввалроқ Ўзбекистон ички ишлар вазирлиги тергов департаменти Камерун фуқаролари бўлган ва Ўзбекистонда фирибгарликлар амалга оширганликда айбланаётган 4 кишининг суратини эълон қилганди. Ушбу кимсаларнинг жиноятларидан жабр кўрганлардан ички ишлар вазирлигининг тегишли телефон рақамлари орқали боғланиш сўралганди.
Ички ишлар вазирлигининг сўнгги маълумотларига кўра, айни вақтда жиноят содир этишда гумон қилинаётган яна 3 камерунлик қўлга олинган.
Бироқ африкаликлар қандай жиноятларни содир этгани ҳали маълум қилинмаган.
“Агар сиз суратларда кўрсатилган шахсларнинг жиноий ҳаракатларидан жабр кўрган бўлсангиз, яқин орадаги ички ишлар бўлимига ёки “102” рақами ҳамда ИИВ тергов департаментининг (71) 231-30-97, (71) 231-36-22, (71) 233-65-34 ёки ИИВ жиноят қидирув бош бошқармасининг (71) 231-34-33 телефон рақамларига мурожаат қилишингизни сўраймиз”, дейилган хабарда.
Мавзуга оид
19:53 / 16.09.2024
Ўзбекистон АҚШ билан божхона соҳасидаги ҳамкорликка оид битимни имзолади
20:49 / 02.09.2024
Россиянинг Ўзбекистондаги элчиси республика билан алоқаларнинг ривожланиши ҳақида гапирди
20:37 / 31.07.2024
Ўзбекистонда YouTube’га кириш секинлашгани айтилган хабарлар рад этилди
23:00 / 13.06.2024