NASA “инсоният тарихидаги энг кучли ракета”ни намойиш қилди
NASA ўзи яратган “энг кучли ракета” - Space Launch System (SLS)’ни намойиш қилди. Ўта оғир ракета-ташувчининг асосий поғонаси 65 метр баландликка эга бўлиб, у NASA муҳандислари томонидан яратилган энг баланд поғона бўлди.
Таъкидланишича, ракета нафақат рекорд ўлчамга, балки рекорд кучга ҳам эга. Ракета юқори поғонаси – “Орион” капсуласи ажралиб чиқишигача 23 Мах (товуш тезлигидан (1200 км/соат) 23 марта каттароқ тезлик) тезликкача эришади. Шу сабабли NASA директори Жим Брайденстайн ракетани “инсоният томонидан яратилган энг кучли ракета” деб бежиз таърифламаган.
Ракета қурилиши бекаму-кўст бормаган. Унинг қурилиши муддати ва бюджети бир неча бор ошириб юборилган. Ракетанинг илк синов парвози 2018 йил ноябрида амалга оширилиши керак эди. Унинг ишлаб чиқилишига сарф-харажатлар эса 6,2 млрд доллардан 8 млрд долларгача ошириб юборилган.
АҚШ коинот агентлиги “Артемида-3” миссияси доирасида 2024 йилда ушбу ракетада Ойнинг жанубий қутбига бир аёл ва бир эркакни юбормоқчи.
Фазогирларсиз ўтувчи “Артемида-1” миссияси 2020 йилда старт олади. NASA унинг доирасида Ойнинг жанубий қутбини, жумладан у ерда 2009 йилда топилган музни фазогирларнинг ҳаётини қўллаб-қувватлаш ва ракета ёқилғиси олиш учун яроқлилигини тадқиқ қилмоқчи.
Коинот агентлиги Ойга миссияларига 2030-йилларга белгиланган Марсга парвоз олдидан синов сифатида қарамоқда.
Ушбу миссияларнинг келажаги эса NASA бюджетининг ҳам Оқ уй, ҳам конгресс томонидан қўллаб-қувватланишига боғлиқ бўлиб қолади.
Мавзуга оид
00:41 / 29.09.2024
SpaceX ва NASA Халқаро космик станцияга тўққизинчи Crew Dragon’ни учирди
22:57 / 25.09.2024
NASA Юпитерга энг катта космик кемани учиришга тайёрланмоқда
09:10 / 24.09.2024
G7 БМТда Киевга узоқ масофали ракеталарга рухсат бериш масаласини муҳокама қилади
21:31 / 23.09.2024