Андижонда пост хизматидаги ходимлар ва ҳайдовчиларга тиббий ниқоблар тарқатилмоқда
Андижон шаҳрида ички ишлар ходимларини коронавирус касаллигидан ҳимоя қилиш ҳамда ижтимоий қўллаб-қувватлаш мақсадида тадбирлар ўтказилмоқда.
Андижон вилояти ички ишлар ходимлари бирлашган касаба уюшма қўмитаси ва вилоят ИИБ тиббиёт бўлими ходимлари ҳамкорлигида Андижон шаҳридаги жамоат жойларида, бозорлар ва темир йўл ва автовокзалларда хизмат олиб бораётган йўл-патруль хизмати ва патруль-пост хизмати ходимларига тиббий ниқоблар ҳамда гигиеник воситалар тарқатилди.
Шунингдек, ИИБ касаба уюшма қўмитаси ўз хизмат бурчини сидқидилдан олиб бориб, аҳолига намунали транспорт хизматини кўрсатаётган транспорт ташкилотлари ходимларига миннатдорчилик сифатида йўл-патруль хизмати ходимлари билан ҳамкорликда тиббиёт ниқоблари тарқатди.
«Андижон вилояти ички ишлар ходимларига, барча профилактика инспекторлари, Миграция ва фуқароликни расмийлаштириш ходимларига тарқатиш мақсадида 20 000 дона тиббиёт ниқоблари ва 500 дона гигиеник воситалар харид қилинди», дейди бирлашган касаба уюшма қўмитаси раиси Фазлиддин Бурхонов.
Мавзуга оид
09:30
Тошкент-Андижон пулли автомобил йўли 6 йил муддатда қурилади
15:53 / 08.10.2024
Андижонда “Оникс” анҳорга тушиб кетди
13:58 / 06.10.2024
«Андижон» драматик дербида тарихий ғалабага эришди (фотожамланма)
19:44 / 26.09.2024