Наманган шаҳрида барча учун 9 кунлик таътил эълон қилинди
Наманган вилоят ҳокими Хайрулла Бозоров вилоят марказида 28 мартдан бошлаб 5 апрелга барчага таътил берилишини маълум қилди, деб хабар бермоқда Kun.uz мухбири.
Таъкидланишича, ҳоким 28 мартдан бошлаб 5 апрелга қадар 9 кун мобайнида Наманган шаҳридаги мулкчилик шаклидан қатъий назар барча ташкилот, муассаса ва идораларда таътил эълон қилинишини айтган.
«Бу тўққиз кун мобайнида Наманган шаҳри фуқаролари уйда, кўчага чиқмасдан ўтиришлари талаб этилади. Бу чекловдан давлат ҳокимияти, ижро ҳокимияти тизимида, ҳуқуқни муҳофаза қилиш идоралари, ва қолаверса солиқ идоралари, банклар каби иқтисодиёт идораларида ишловчиларгина мустасно қилинади», - дейди Бозоров.
Соғлиқни сақлаш вазирлиги тарқатган сўнгги маълумотга кўра, Ўзбекистон коронавирусга чалинган беморлар 88 кишини ташкил этади.
27 март куни Ўзбекистонда коронавирус инфекцияси ташхиси қўйилган илк бемор ўткир миокард инфарктидан вафот этди. Наманганлик 72 ёшли аёл 26 март куни коронавирус инфекцияси ташхиси билан Наманган вилоят юқумли касалликлар шифохонасига ётқизилган эди.
Мавзуга оид
14:09 / 07.10.2024
Наманганда ўқувчилар ижарага олинган Gentraʼда ЙТҲга учради. Машинани бошқарган ўсмир вафот этган
11:46 / 05.10.2024
Ёлланма қотиллар, сирли буюртмачи ва чалғитилган тергов – Намангандаги мудҳиш қотиллик тафсилоти
09:49 / 04.10.2024
Наманганда юзлаб автомобиллар давлат рўйхатидан ноқонуний ўтказилгани айтилмоқда. Иш республика даражасида терговда
14:54 / 26.09.2024