AirPods қулоқчини фойдаланувчининг қулоғида пақиллаб кетди
Хитойлик йигит телефон орқали суҳбатлашаётганда AirPods қулоқчини унинг қулоғида пақиллаб кетган. Apple компанияси жабрланувчига компенсация тўлашга ваъда берган.
GizmoChina порталининг хабар беришича, воқеа Чжэнчжоуда яшовчи 23 ёшли йигит билан 19 май куни юз берган. Бироқ бу ҳақида эндигина маълум қилинган.
Жабрланувчининг таъкидлашича, у телефонда гаплашаётганида ўнг қулоғидаги қулоқчин пақиллаб кетган. Йигит яллиғланишга қарши дори воситалари ёрдамида даволанган. Шифокорлар унинг қулоғида қон кетиши изларини топишган. Воқеадан кейин йигит эшитишида муаммолар ҳис қилаётганидан арз қилган.
Йигит қулоқчинни Apple’нинг ҳамкор дўконларидан бирида харид қилган. Қулоқчин Apple компанияси вакилларига унинг носозлиги сабабини аниқлаш учун жўнатилган.
Таъкидланишича, жабрланувчига маҳаллий қонунларга кўра компенсация тўланиши керак.
Мавзуга оид
23:57 / 09.09.2024
Apple янги AirPods қулоқчинларини тақдим қилди
14:50 / 08.07.2024
“Худди қулоқчин каби” — ихчам ҳаво тозалагич тақдим этилди
07:33 / 08.06.2022
Uzbekistan Airways самолёт бортида қулоқчинлар йўқлигига изоҳ берди
22:02 / 01.12.2021