Қўшимча функционаллар
-
Тунги кўриниш
Ўзбекистон ташқи ишлар вазири ўринбосари Ҳиндистонга элчи этиб тайинланди
2020 йил 18 июнь куни Ўзбекистоннинг Ҳиндистондаги элчиси этиб тайинланган Дилшод Ахатов Тошкентдан Деҳли шаҳрига жўнаб кетди.
Фото: Халқаро пресс-клуб
Ўзбекистоннинг Ҳиндистондаги фавқуллодда ва мухтор элчиси тайинланди. Бу ҳақда Ташқи ишлар вазирлиги хабар бермоқда.
Қайд этилишича, 2020 йил 18 июнь куни Ўзбекистоннинг Ҳиндистондаги фавқулодда ва мухтор элчиси этиб тайинланган Дилшод Ахатов Тошкентдан Деҳли шаҳрига жўнаб кетди.
Дилшод Ахатов 1972 йил 28 июнда Самарқанд вилоятининг Каттақўрғон шаҳрида туғилган. Жаҳон иқтисодиёти ва дипломатия университети (Тошкент шаҳри) ва Москва давлат халқаро муносабатлар институтини тамомлаган.
У бунга қадар Ўзбекистон ташқи ишлар вазири ўринбосари бўлиб ишлаган. Шунингдек, Ташқи ишлар вазирлигининг Европа мамлакатлари ва НАТО билан ҳамкорлик бошқармаси бошлиғи, Германия Федератив Республикасидаги фавқулодда ва мухтор элчи лавозимларида фаолият кўрсатган.
Эслатиб ўтамиз, шу йилнинг февраль ойи охирида Ўзбекистоннинг Ҳиндистондаги элчиси Фарҳод Арзиев ташқи ишлар вазирининг биринчи ўринбосарига айланди.
Мавзуга оид
17:36 / 14.11.2024
Ҳиндистон халқаро аэропортида ҳавонинг ифлосланиши туфайли 200 дан ортиқ рейслар кечиктирилди
19:27 / 13.11.2024
Покистон ва Ҳиндистонни қоплаган тутун коинотдан кўрина бошлади
19:10 / 13.11.2024
Ҳиндистон фонд бозоридаги бум: молиявий инқилоб шовқини рискларни ёпиб кетяптими?
20:33 / 07.11.2024