Қўшимча функционаллар
-
Тунги кўриниш
Ҳиндистонда дафн маросими вақтида 21 киши ҳалок бўлди
Ҳиндистоннинг Мураднагар шаҳрида (Уттар-Прадеш штати) дафн маросимига келган 21 киши крематорий томи қулаши оқибатида ҳалок бўлди.
Фото: AFP
The Times of India нашрининг хабар беришича, воқеа ёмғир вақтида юз берган. Дафн маросимига келган одамлар ёмғирдан қочиб, крематорий томи остига тўпланишганда, у қулаб тушган.
Вайроналар остида ўнлаб одамлар қолиб кетган. Қутқарувчилар 38 кишини чиқариб олишга муваффақ бўлишган. Маҳаллий полициячилар ва ўт ўчириш қисмлари ходимлари қидирув-қутқарув ишларини давом эттиришмоқда.
Ҳиндистон президенти Рам Натх Ковинд ва бош вазир Нарендра Моди фожиа юзасидан ўз ҳамдардликларини билдиришган. Уттар-Прадеш штати бош вазири Йоги Адитянатх фожиа қурбонлари оилаларига 200 минг рупийдан (2,7 минг доллар) молиявий ёрдам кўрсатишни буюрган.
Шунингдек, маҳаллий идораларга воқеани тергов қилиш ва у бўйича ҳисобот тайёрлаш вазифаси топширилган.
Мавзуга оид
19:27
Покистон ва Ҳиндистонни қоплаган тутун коинотдан кўрина бошлади
19:10
Ҳиндистон фонд бозоридаги бум: молиявий инқилоб шовқини рискларни ёпиб кетяптими?
20:33 / 07.11.2024
Ҳиндистонда уч кун ичида 10 та фил нобуд бўлди
01:52 / 07.11.2024