Тошкентнинг икки туманида уч кун ичида 65та пичоқ ва бита топилди
Тошкент шаҳар ИИББ ходимлари фуқаролардан пичоқлар ва бошқа хавфли буюмларни аниқлаш ишларини давом эттирмоқда.
ИИББ ахборот хизматига кўра, Чилонзор ва Учтепа туманларидаги кўчалар, хиёбонлар ва бошқа жамоат жойларида олиб борилган профилактик тадбирлар доирасида ходимлар уч кун ичида 65 дона совуқ қурол ва бита топди.
20 апрел куни Чилонзор тумани Гулистон кўчасида 18 ёшли О.Р.нинг ёнидан совуқ қурол турига кирувчи буклама пичоқ топилди. Мазкур факт асосида Маъмурий жавобгарлик тўғрисидаги кодексининг 185-2 моддаси (“Совуқ қуролни ёки совуқ қурол сифатида фойдаланилиши мумкин бўлган ашёларни олиб юриш”) бўйича баённома расмийлаштирилиб, суд органларига топширилди.
“Ҳурматли фуқаролар. Чўнтакдаги пичоқ ўзингизга қарши ишлаши мумкин: пичоқни қўллаб нафақат бировнинг, балки ўз умрингизни ҳам хазон қиласиз. Аслида, чўнтагингиздаги совуқ қурол сизнинг хавфсизлигингизга ҳеч қандай таъсир қилмайди”, дейилади маълумотда.
Мавзуга оид
07:30
Тошкентда машинасини сотишни айтиб, ўзганинг пулини ўзлаштирган шахс ушланди
14:28 / 20.09.2024
Сергелида BYD уриб юборган ўқувчи қиз вафот этди
12:20 / 20.09.2024
Тошкентда тезлиги юқори BYD мактаб ўқувчисини уриб юборди
18:58 / 19.09.2024