Қўшимча функционаллар
-
Тунги кўриниш
Коронавирусга қарши вакцинация сабаб 50та давлатда режали эмлашлар кейинга қолдирилди
Фото: un.org
Дунёнинг 50та давлатида коронавирусга қарши вакцинация сабаб қизамиқ ва бошқа хавфли касалликларга қарши режали эмлашлар кейинга қолдирилди. Бу ҳақда ЖССТ, ЮНЕСКО ҳамда Вакциналар ва иммунизация бўйича глобал алянс (Gavi) маълум қилди.
«Янги маълумотларга кўра, 50та давлатда 60та ҳаётий муҳим эмлаш кампанияси қолдирилган. Бу эса 228 млн кишини, аксарият ҳолатларда болаларни қизамиқ, сариқ безгак ва полиомиелит каби касалликлар хавфига қўяди», деб айтилган қўшма баёнотда.
Таъкидланишича, бу давлатларнинг ярмидан кўпи Африкада жойлашган.
ЖССТда айтилишича, яқинда Конго, Покистон ва Яманда қайд қилинган қизамиқ авж олиши айнан режали эмлашлар қолдирилгани билан боғланган.
«Агар биз қизамиқ, сариқ безгак ва дифтерит каби хавфли касалликлар авж олишидан қочишни истасак, унда ҳар бир давлатда одатий эмлаш хизматларини ҳимоя қилмоғимиз лозим», деб таъкидлаб ўтган ЖССТ раҳбари Тедрос Адханом Гебрейесус.
Мавзуга оид
12:22 / 23.02.2024
ЖССТ қизамиқ эпидемияси кенг тарқалиши эҳтимолидан огоҳлантирди
18:16 / 25.11.2023
Наманганда қизамиқ билан касалланиш ўчоғи пайдо бўлди. Йил бошидан буён 735 та ҳолат қайд этилган
16:21 / 18.11.2023
ЖССТ: дунёда қизамиқдан ўлим ҳолатлари йил давомида 1,5 баробар ошди
07:35 / 28.09.2023