Эрон элчиси танкерга ҳужум юзасидан Британия ташқи ишлар вазирлигига чақиртирилди
Британия ташқи ишлар вазирлиги исроиллик миллиардер Эял Оферга тегишли Mercer Street танкерига ҳужум юзасидан Эрон элчиси Муҳсин Баҳарвандни чақиртирди. Ушбу ҳужумни содир этишда Эрон гумонланмоқда.
“Эрон халқаро тинчлик ва барқарорликни хавф остига қўяётган иғвогар ҳаракатларини дарҳол бас қилиши лозим”, деб айтилган Британия ташқи ишлар вазирлиги баёнотида. АҚШ Британияни қўллаб-қувватлаган.
“АҚШ ва Британия иттифоқдошларимиз билан бирга тез орада бериладиган жавоб вариантларини кўриб чиқмоқда”, деб айтган АҚШ давлат котиби Энтони Блинкен.
Эрон ушбу ҳодисага алоқадорлигини рад этмоқда. Эрон ташқи ишлар вазирлиги вакили Саид Xатибзода Теҳрон ҳеч иккиланмасдан ўз суверенитетини ва миллий манфаатларини ҳимоя қилишидан ва ҳар қандай “авантюрачилик” уринишларига қатъий жавоб беришидан огоҳлантирган. У шунингдек, ўз мамлакатига билдирилаётган айбловларни “ёлғон, иғво ва бир-бирига зид” деб таърифлаган.
29 июлда Уммон соҳиллари яқинида Mercer Street танкерига учувчисиз парвоз қурилмаси ёрдамида зарба берилди. Ҳужум оқибатида экипажнинг 2 аъзоси – Руминия ва Британия фуқаролари ҳалок бўлган.
Ушбу ҳужум 2019 йилдан бери Форс кўрфазида кемачиликда юз берган энг оғир ҳодиса бўлди. Ўшанда магнит миналари портлатилиши оқибатида Норвегия ва Саудия Арабистонига қарашли 4та танкерга шикаст етганди.
Мавзуга оид
22:15 / 21.09.2024
Эрон олий раҳнамоси 40 нафар чет эл фуқаросини афв этди
10:30 / 20.09.2024
Ўзбекистон ва Британия бўлажак дипломатларни тайёрлаш соҳасида ҳамкорлик қилиши мумкин
18:21 / 19.09.2024
Дўстона давлатлар бўйлаб турне. Шойгунинг КХДР, Эрон ва Сурияга ташрифлари ортида нима бор?
22:48 / 18.09.2024