Филиппин президенти ўз ваколатлари тугагандан кейин вице-президент лавозимини эгалламоқчи
Филиппин президенти Родриго Дутерте 2022 йилда ваколатлари муддати тугагандан кейин ҳокимият тепасида қолиш йўлини топди. The Guardian нашрининг ёзишича, у ҳукмрон партиянинг унинг номзодини вице-президент лавозимига қўйиш таклифини қабул қилди.
Филиппин демократик партияси – Халқ кучи (PDP-Laban) ижрочи вице-президенти Карло Ногралес Дутерте ушбу қарорни халқ истагига кўра қабул қилаётганини айтган. Таъкидланишича, 76 ёшли Дутертенинг президент лавозимидаги вориси сенатор Кристофер Го бўлиши кутилмоқда.
PDP-Laban’нинг президент ва вице-президент лавозимларига номзодлар эълон қилиниши режалаштирилган конгресси 8 сентябрга белгиланган.
Филиппин президенти ваколатлари муддати 6 йил билан чекланган. Дутерте учун бу муддат 2022 йил июнда ўз ниҳоясига етади.
2019 йил декабрда Дутерте иккинчи президентлик муддатига номзодини қўймоқчи эмаслигини айтган. У, шунингдек, қизи, Давао шаҳри мэри Сара Дутерте-Карпионинг навбатдаги президент сайловларида иштирок этишига қарши эканини айтган.
Мавзуга оид
12:18 / 05.09.2024
Филиппинда астероид қулаб тушди (видео)
20:14 / 31.08.2024
Хитой ва Филиппин кемалари баҳсли ҳудудда бир-бири билан тўқнашиб кетди
22:05 / 21.08.2024
Хитой фойдасига жосусликда айбланган Филиппин собиқ мэри мамлакатдан қочиб кетди
08:25 / 19.08.2024