Қўшимча функционаллар
-
Тунги кўриниш
Шимолий Македония бош вазири сайловларда ўз партиясининг мағлубиятидан кейин истеъфога чиқди
Шимолий Македониянинг энг йирик мухолиф партияси ВМРО-ДПМНЕ мамлакатда ўтган маҳаллий сайловларнинг 2-босқичида кўплаб ҳудудларда ғалаба қозонди. Бош вазир Зоран Заев ўзининг СДСМ партияси мағлубиятини тан олиб, истеъфога чиқишга ариза берди.
Фото: AP
“Ушбу натижа учун жавобгарлик тўлиқ менинг зиммамда. Шу сабабли мен бош вазир ва Социал-демократик иттифоқ етакчиси лавозимларидан истеъфога чиқмоқдаман”, деб маълум қилган Заев матбуот анжуманида. У навбатдан ташқари парламент сайловлари ўтказилишига қарши чиққан.
AP ахборот агентлигининг хабар беришича, сайловларнинг расмий натижалари ҳали эълон қилинмаган бўлса-да, бош вазир ўз партиясининг пойтахт Скопье мэри учун сайловларда мағлуб бўлганини тан олган. ВМРО-ДПМНЕ томонидан қўллаб-қувватланувчи номзодларнинг ярми 80 та муниципалитетнинг ярмида, ҳукмрон партия СДСМ эса 20 тадан камроқ ҳудудда ғалаба қозонган.
Маълумотларга кўра, 2017 йилда ўтган аввалги сайловларда СДСМ 57 та, ВМРО-ДПМНЕ эса 5 та муниципалитетда ғалабага эришган.
Мавзуга оид
22:30 / 02.08.2024
Шимолий Македонияда Косово президенти билан можароли вазият содир бўлди
09:35 / 09.05.2024
Шимолий Македониядаги президентлик сайловларида мухолифатчи аёл ғалаба қозонди
11:43 / 25.04.2024
Шимолий Македониядаги президентлик сайловларининг натижаси иккинчи турда ҳал қилинади
14:00 / 23.11.2023