Талабалар контингенти: қайси олийгоҳларда қизлар кўпроқ, қай бирида йигитлар?

Kun.uz ёшлари Ўзбекистон Республикаси очиқ маълумотлар порталида эълон қилинган Олий таълим муассасаларидаги талабалар контингентига асосланиб, юқоридаги саволларга жавоб топди. Унга кўра:

Ўзбекистондаги энг кўп талабалар қамровига эга университетлар қуйидагилар:

1. Бухоро давлат университети — 20097 нафар талаба.

2. Самарқанд давлат университети — 19324 нафар талаба.

3. Термиз давлат университети — 18566 нафар талаба.

4. Урганч давлат университети — 18185 нафар талаба.

5. Фарғона давлат университети — 16 558 нафар талаба.

Ўзбекистондаги энг кам талабалар қамровига эга олийгоҳлар қуйидагилар:

1. Геология фанлари университети — 150 нафар талаба.

2. Навоий давлат кончилик институти Нукус филиали — 192 нафар талаба.

3. Юнус Ражабий номидаги Ўзбек миллий мусиқа санъати институти — 439 нафар талаба.

4. Самарқанд ветеринария медицинаси институти Тошкент филиали — 480 нафар талаба.

5. Самарқанд ветеринария медицинаси институти Нукус филиали — 501 нафар талаба.

Ўзбекистондаги қайси олийгоҳларда кўпроқ йигитлар ўқишади?

1. Тошкент давлат транспорт университети — 92 фоизи йигитлар, 8 фоизи қизлар.

2. Тошкент давлат техника университети — 89 фоизи йигитлар, 11 фоизи қизлар.

3. Тошкент ахборот технологиялар университети — 86 фоизи йигитлар, 14 фоизи қизлар.

4. Тошкент ирригация ва қишлоқ хўжалигини механизациялаш муҳандислари институти — 84 фоизи йигитлар, 16 фоизи қизлар.

5. Бухоро муҳандислик-технология институти — 83 фоизи йигитлар, 17 фоизи қизлар.

6. Ўзбекистон давлат жисмоний тарбия ва спорт университети — 78 фоизи йигитлар, 22 фоизи қизлар.

Ўзбекистондаги қайси олийгоҳларда кўпроқ қизлар ўқишади?

1. Тошкент давлат ўзбек тили ва адабиёти университети — 84 фоизи қизлар, 16 фоизи йигитлар.

2. Ўзбекистон давлат хореография академияси — 82 фоизи қизлар, 18 фоизи йигитлар.

3. Ўзбекистон давлат жаҳон тиллари университети — 80 фоизи қизлар, 20 фоизи йигитлар.

4. Тошкент давлат педагогика университети — 78 фоизи қизлар, 22 фоизи йигитлар.

5. Самарқанд давлат чет тиллар институти — 72 фоизи қизлар, 28 фоизи йигитлар.

Қайси олий ўқув юртларида қизлар ва йигитлар сони деярли бир хил:

1. Ўзбекистон миллий университети — 50, 7 фоизи қизлар, 49,3 фоизи йигитлар

2. Тошкент давлат шарқшунослик институти — 50 фоизи қизлар, 50 фоизи йигитлар.

3. Тошкент тиббиёт академияси — 50, 8 фоиз қизлар, 49, 2 фоизи йигитлар.

Умуман, Ўзбекистон олий таълим тизимида йигит ва қизларнинг сони:

Талаба-йигитлар: 274652 (55 фоиз);

Талаба-қизлар: 233213 (45 фоиз).

P.S: Юқоридаги маълумотларни тайёрлашда фақат бакалавриат босқичида таҳсил олаётган талабалар сони ҳисобга олинди. Шунингдек, бу рўйхатга 2021/2022 ўқув йилида ўқишга қабул қилинган талабалар киритилмаган.

Жавоҳирбек Турсунов тайёрлади.