Видео: Сергелида йўловчи автобус ёниб кетди
Сергели туманидаги «Дўстлик-1» даҳасида йўловчи автобусда ёнғин чиқди. Жабрланганлар йўқ.
14 декабрь куни кундузи Тошкент шаҳри Сергели туманидаги «Дўстлик-1» даҳасида 47-йўналиш бўйича ҳаракатланган Mercedes-Benz русумли йўловчи автобус ёниб кетди. Бу ҳақда ФВВ матбуот хизмати хабар бермоқда.
«14 декабрь куни соат 15:21да Тошкент шаҳар Сергели тумани «Дўстлик-1» даҳасида 47-йўналиш бўйича ҳаракатланаётган Mercedes русумли автобусда ёнғин содир бўлгани тўғрисида туман ФВБга хабар келиб тушган.
Шунга кўра, 2 та ёнғин-қутқарув экипажи соат 15:25 да воқеа жойига етиб бориб, ёнғин соат 15:34 да ўчирилган. Ёнғин оқибатида автобуснинг орқа салон қисми ёниб, зарарланган.
Ҳодиса оқибатида жабрланган ва ҳалок бўлганлар йўқ», дейилади хабарда.
Ҳозирда мутахассислар томонидан ёнғин сабаби ва келтирилган моддий зарар миқдори аниқланмоқда.
Мавзуга оид
14:28 / 20.09.2024
Сергелида BYD уриб юборган ўқувчи қиз вафот этди
09:27 / 10.07.2024
Тошкентда учта машина иштирокида ЙТҲ содир бўлди
09:34 / 04.07.2024
Сергелида тунда жанжал содир бўлди. Гумондорлар ушланган
00:05 / 10.05.2024