Бухоро вилоятида учта туман ИИБга янги бошлиқлар тайинланди

Ички ишлар вазирининг тегишли буйруқлари билан Бухоро вилоятида 3та туман ИИБга бошлиқ ҳамда вилоят ИИБ бошлиғига биринчи ўринбосар тайинланди. Бу ҳақда вилоят ИИБ хабар бермоқда.

Жумладан, подполковник Болтаев Ниёзий Ҳамидович Жондор тумани ИИБ бошлиғи лавозимида иш бошлаган. У тайинловга қадар Пешкў тумани ИИБ бошлиғи лавозимида фаолият юритган.

Пешкў тумани ИИБ бошлиғи лавозимига подполковник Носиров Абдухалил Рустамович тайинланган. У тайинловгача Ғиждувон тумани ички ишлар бошқармаси бошлиғининг биринчи ўринбосари – тезкор-қидирув хизмати бошлиғи лавозимида ишлаган.

Когон туман ИИБ бошлиқлигига шу кунгача ИИБ Хавфсиз туризмни таъминлаш бошқармаси бошлиғининг ўринбосари – мувофиқлаштириш бўлими бошлиғи лавозимида фаолият юритган подполковник Ҳасанов Умиджон Файзуллаевич тайинланган. 

Шунингдек, подполковник Сафаров Эркин Насиллоевич вилоят ИИБ бошлиғининг биринчи ўринбосари — Тезкор-қидирув хизмати бошлиғи лавозимига ўтказилган. Э.Сафаров бунгача вилоят ИИБ бошлиғи ўринбосари — Хавфсиз туризмни таъминлаш бошқармаси бошлиғи лавозимида фаолият юритган.