Сергели туманида аҳолидан коммунал хизматлар учун ундирилган маблағни ўзлаштирган ширкат аниқланди

Бош прокуратура ҳузуридаги Департаментнинг хабар беришича, Сергели тумандаги “С.Ш.” хусусий уй-жой мулкдорлари ширкати мансабдор шахслари аҳолидан уй-жой коммунал хизмати учун йиғиб олинган 193 млн сўм нақд пулларни ширкатнинг банкдаги ҳисобрақамига кирим қилмасдан, ўзлаштириш ва растрата қилиш йўли билан талон-торож қилганлиги аниқланган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.