Навоийда иккита янги олтин кони ишга тушди
Томди тумани ҳудудидаги мазкур конларнинг маъдан захираси 40 миллион тоннадан ортиқ.
2022 йилнинг 7 апрел куни “Мурунтов” кони таркибидаги “Балпантоғ” ва “Томдибулоқ” конларида биринчи портлатиш ишлари амалга оширилган. Бу ҳақда “Навоий кон-металлургия комбинати” АЖ ахборот хизмати хабар берди.
Таъкидланишича, янги конларнинг олтин таркибли маъдан захиралари комбинатнинг 2-гидрометаллургия заводига 33 километрлик темирйўллари орқали ташилади. Мазкур иккита кон 40 миллион тоннадан ортиқ маъдан захирасига эга.
Конлардан қарийб 15 йил мобайнида йилига 3 миллион тоннадан олтинга бой маъдан қазиб олинади. Бу ишларни бажариш учун конга 7 та гидравлик экскаватор, 5 та бурғилаш қурилмаси, 23 та автоағдаргич, 2 та тепловоз ва бошқа кўплаб техникалар харид қилиш кўзда тутилган. Ҳозирда битта замонавий гидравлик экскаватори, 90 тонна юк кўтариш қувватига эга 10 та автоағдаргич келтирилган. Лойиҳа доирасида конда 653 та янги иш ўрни яратилади.
Мавзуга оид
09:52 / 11.09.2024
Аёл кишининг суратларини интернетга қўйиб интим хизматлар таклиф қилган шахс ушланди
15:13 / 09.09.2024
Навоийда икки ўқувчининг умрига зомин бўлган ҳайдовчи 5 йилга қамалди
16:47 / 07.08.2024
Навоийда алимент тўлашдан қочиб юрган ота чойхонадан топилди
15:47 / 23.07.2024