Қўшимча функционаллар
-
Тунги кўриниш
Конституциявий ислоҳот уч босқичда амалга оширилиши режалаштирилмоқда
Таклиф этилаётган конституциявий қонун лойиҳасида Конституциянинг 60 дан ортиқ моддаларига 170 дан ортиқ ўзгартиш ва қўшимчалар киритиш назарда тутилган.
Фото: Kun.uz
Конституциявий комиссия раиси Акмал Саидовнинг сўзларига кўра, ислоҳот уч босқичда амалга оширилиши режалаштирилган.
Комиссия биринчи босқичда асосий қонунга ўзгартиш ва қўшимчалар киритиш устида иш олиб борди, таклиф ва мулоҳазаларни ўрганди, сўнг конституциявий қонун лойиҳасини ишлаб чиқди ва Олий Мажлис Қонунчилик палатасига тақдим этди.
Иккинчи босқич – қонун лойиҳасини умумхалқ муҳокамасига қўйиш. Жорий йилнинг 25 июндан 5 июлига қадар «Ўзбекистон Республикаси Конституциясига ўзгартиш ва қўшимчалар киритиш тўғрисида»ги қонун лойиҳаси умумхалқ муҳокамасига қўйилган эди.
«Конституция барчамизга тегишли асосий ҳужжатимиздир. Шунинг учун ҳам бу жараёнда ҳар ким фаол иштирок этиши, ўз фикрини билдириши керак. Эслатиб ўтамиз, 25-26 июнь кунлари жами 2658 та таклиф ва мулоҳазалар келиб тушган. Олинган таклифларнинг асосий қисми аҳоли вакиллари томонидан юборилган», — деди Саидов.
Учинчи босқич - референдум ўтказиш. Бу жараён ўзбекистонликларнинг бугунги ислоҳотларга муносабатини намоён этади.
– Умуман олганда, конституциявий ислоҳотлар жараёнида фуқароларимизнинг фаоллиги сезиларли бўлаётгани эътиборга молик, – дейди Акмал Саидов.
Мавзуга оид
08:15 / 21.02.2024
Япония Ўзбекистонга иқтисодий ислоҳотларни давом эттириш учун 246 млн доллар ажратади
16:27 / 09.11.2023
Стратегик ислоҳотлар агентлигининг қўшимча вазифалари белгиланди
15:59 / 25.09.2023
Баҳслар ва тарихий келишув — тилшуносларнинг алифбо масаласидаги конференциясидан катта репортаж
23:11 / 08.04.2023