Туркий давлатларда озиқ-овқат маҳсулотларига «яшил йўлак» очиш таклиф этилди
Бу ҳақда Тошкентда ўтаётган Туркий давлатлар ташкилотига аъзо мамлакатлар қишлоқ хўжалиги вазирларининг илк йиғилишида бугун таклиф ўртага ташланган.
ТДТ, Туркий агрофорум ва Иқтисодий ҳамкорлик ташкилоти (ИҲТ) қишлоқ хўжалиги вазирларининг еттинчи йиғилишида ушбу таклифни Қозоғистон қишлоқ хўжалиги вазири Эрбўл Қарашукеев ўртага ташлаган деб хабар бермоқда «Казинформ» МАА.
«Мамлакатларимиз ўртасида аграр соҳада ҳамкорликни ривожлантириш учун ТДТни янги реалликлар ва ҳамкорликнинг устувор йўналишларига мослаштириш зарур», — деган Қарашукеев.
Қозоғистонлик вазир Туркий давлатлар ташкилоти аъзолари биргаликда амалга ошириши мумкин бўлган бир қатор чораларни таклиф қилган. Хусусан, озиқ-овқат маҳсулотлари ўзаро савдосида форвард контрактлар механизмини қўллаш; қишлоқ хўжалиги соҳасида ўзаро тўлдириш ва самарали кооперация асосида ҳамкорликни кучайтириш; чорвачилик ва элита уруғларини етказиб бериш соҳасида ҳамкорликни ривожлантириш; тўсиқларни олиб ташлаш, хавфсизлик сертификатларини ўзаро тан олиш, озиқ-овқат маҳсулотларини етказишда «яшил йўлаклар»ни яратиш йўли билан савдо алоқаларини мустаҳкамлаш таклиф этилган.
Мавзуга оид
10:30 / 02.09.2024
ССВ янги ўқув йили арафасида мактаб ошхоналарида сотиш тақиқланган озиқ-овқатлар рўйхатини келтирди
19:41 / 01.08.2024
Анор таъмли “Royal” ичимлиги машмашаси: Давлат идоралари нега қарама-қарши фикрда?
13:13 / 31.07.2024
Лабораторияда текширилган 8 та озиқ-овқат маҳсулоти сифатсиз экани аниқланди – Рақобат қўмитаси
20:34 / 05.07.2024