Тошкент халқаро ва маҳаллий аэропортлари ўртасида автобус қатнови йўлга қўйилди
Тошкент аэропортининг маҳаллий ва халқаро авиақатнов терминаллари ўртасида бепул автобус қатнови тест режимида йўлга қўйилди. UzPort стикерли автобус ҳар куни соат 05:00дан 23:30 гача хизмат кўрсатади.
Бу ҳақда хабар берган Uzbekistan Airports матбуот хизмати айни масалада йўловчилардан кўплаб мурожаатлар тушганини қайд этган.
“Йўловчилар айрим ҳолларда терминалларда адаштириб нотўғри терминалга келишади. Шаҳардаги терминаллар орасидаги масофа тахминан 4 км. Тезкор усул – таксидан фойдаланиш, аммо такси нархи ҳар доим ҳам барча тоифадаги фуқаролар учун мақбул эмас”, – дейилади хабарда.
Маълум қилинишича, терминаллараро автобус ҳар соатда, жадвалга мувофиқ ҳаракатланади.
Автобус халқаро авиақатновлар терминалида жўнаб кетиш зали ёнидаги тўхташ жойида, автобуслар учун ажратилган йўлак бўйлаб ҳаракатланади. Маҳаллий терминалда эса кириш эшиги ёнигача боради.
Автобус хизматларидан ҳамма барча хоҳловчилар мутлақо бепул фойдаланиши мумкин, дейилади расмий релизда.
Мавзуга оид
14:07 / 09.09.2024
9 сентябрда маҳаллий авиарейсларнинг айримлари халқаро терминалда амалга оширилади
16:37 / 01.09.2024
“Реконструкция лойиҳаси узоғи 3 йилда ўзини қоплайди” — Тошкент халқаро аэропорти директори
16:23 / 12.07.2024
Урганч аэропортидан йўловчиларнинг Нукусга трансфери учун бепул автобус қўйилади
18:20 / 21.06.2024