Тошкент россияликлар учун транзит марказига айланиши мумкин - Бош консул

Ўзбекистон россиялик сайёҳлар учун транзит маркази сифатида Туркия ўрнини эгаллаш имкониятига эга, деди Екатеринбургдаги бош консул Абдусалом Ҳотамов.

ТАСС билан суҳбатда дипломат мамлакат аэропортлари орқали хорижга парвозларни амалга ошириш имкониятини қайд этди - ҳам Урал аҳолиси, ҳам Россиянинг қолган қисми учун. Бундан ташқари, улар Ўзбекистоннинг ўзига ҳам тез-тез ташриф буюришлари мумкин.

«Ўзбекистон россиялик сайёҳлар учун ҳам энг машҳур дам олиш масканларидан бирига, ҳам Истанбул ўрнини босувчи янги транзит хабга айланиши мумкин, бу орқали саёҳатчилар турли мамлакатларга учишга одатланган», — деди Ҳотамов. 

Бунга Екатеринбург, Челябинск ва Тюменни Ўзбекистоннинг Тошкент, Самарқанд, Бухоро, Навоий, Наманган шаҳарлари билан боғлайдиган тўғридан тўғри рейслар тармоғи ёрдам бермоқда. Айни пайтда Нижневартовск-Фарғона ҳаво қатновини йўлга қўйиш ишлари олиб борилмоқда.

Ҳотамов меҳнат миграцияси мавзусига ҳам тўхталиб ўтди. 2021 йил бошидан буён 215 минг нафар ўзбекистонлик Урал минтақаларида сезиларли чиқиб кетиш ва кириб келишсиз барқарор меҳнат қилмоқда. Ураллик иш берувчиларнинг сўровлари асосида мигрантларни ёллашни ташкил этиш лойиҳаси алоҳида таъкидланди.

Август ойида Урал сайёҳлик ассоциацияси кузда Екатеринбургдан Тошкент орқали Осиё шаҳарларига турларни йўлга қўйиш режасини эълон қилган эди. Пойтахт орқали транзит Turk Hava Yollari’га муқобил бўлади, деди ташкилот раҳбари Михаил Малцев.