Қўшимча функционаллар
-
Тунги кўриниш
Месси спорт ва технологияларга йўналтирилган инвестиция компаниясини очди
Аргентина миллий жамоаси ва «ПСЖ» клуби футболчиси Лионел Месси бутун дунё бўйлаб спорт, медиа ва технологияларга сармоя киритувчи холдинг компаниясини ташкил этди.
Фото: Getty Images
Play Time Sports-Tech деб номланган компания Сан-Францискода жойлашган ва Мессининг асосий сармоя воситаси бўлади. У футбол технологияси компанияларининг стартап лойиҳаларига кўмаклашади ёки футбол клубларига сармоя киритади.
«Мен Силикон водийсида илдиз отаётганимиздан хурсандман ва Play Time бутун дунё бўйлаб дадил тадбиркорлар билан ҳамкорлик қилишидан жуда мамнунман», деди Месси ўз баёнотида.
Play Time компаниясини Размиг Овагимян бошқаради (у Graph Ventures компанияси ҳамкори), Code Advisors инвестиция банки асосчиси Майкл Маркес махсус маслаҳатчи сифатида ишлайди.
Play Time компаниясининг биринчи инвестиция дастури Matchday.com лойиҳаси бўлиб, 2022 йилги жаҳон чемпионати бошланишидан олдин ишга туширилади.
«2017 йилда Лео ва оиласи билан учрашганимда улар келажакка нисбатан дадил тасаввурга эга эканлиги яққол кўриниб турарди», — деди Овагимян ўз баёнотида. «Улар майдонда ва ундан ташқарида ҳам футболга тўғридан-тўғри ва узоқ муддатли таъсир кўрсатишда давом этишни хоҳлашади».
Мавзуга оид
19:10 / 13.11.2024
Ҳиндистон фонд бозоридаги бум: молиявий инқилоб шовқини рискларни ёпиб кетяптими?
08:10 / 12.11.2024
Ўзбекистонга Саудия компанияларининг қарийб 2,5 млрд долларлик инвестициялари жалб этилади
14:08 / 03.11.2024
МЛСдаги омадли мавсум, ЖЧ-2026 масаласи ва футболдан кейинги фаолият – Месси Романога катта интервю берди
20:55 / 02.11.2024