Зеленский: Қрим кўпригидаги портлашга Киевнинг алоқаси йўқ
8 октябр куни Қрим кўпригида содир этилган портлашга Киевнинг алоқаси йўқ. Бу ҳақда Украина президенти Володимир Зеленский Канаданинг CTV News телеканалига берган интервьюсида айтиб ўтди.
«Билишимча, биз буни аниқ буюртма қилмаганмиз», деди Зеленский. Шу билан бирга, у портлаш Россия қуролли кучлари ва Россия махсус хизматлари ўртасидаги ички кураш натижаси бўлиши мумкинлигини тахмин қилди.
«Уларда ҳарбий хизматчилар ва уларнинг махсус хизматлари, разведка хизматлари ўртасида жиддий алоқалар бор. У ерда бошқарув ва бошлиқларнинг сони жуда кўп. Бу катта тизим. Совет иттифоқида бу КГБ эди. Бугунги кунда у бир нечта бўлимлардан иборат бўлиб, уларнинг қайси бири асосий эканлигини доимий равишда ҳал қилади», - дея тушунтирди Украина президенти.
Бу Украина расмийларининг Қрим кўпригидаги портлаш бўйича биринчи расмий изоҳидир.
Аввалроқ Киев 10 октябрдан бери Россиянинг ўққа тутиши натижасида Украина электр станцияларининг учдан бир қисми вайрон бўлганини билдирганди. Зеленский Россия ҳукуматини террорчилик фаолиятида айблади.
У Украинага қарши кенг кўламли уруш бошлаган Россия ҳукуматини мамлакатнинг энергетика ва ўта муҳим инфратузилмасига қарши қаратилган террорчилик фаолиятида айблади. «Путин режими билан музокаралар учун жой қолмади», деди Зеленский.
10 октябрдан бери Россия кучлари Украина инфратузилмасига ҳужумларини кескин кучайтирди. Бу Кремль Украина хавфсизлик хизматларини айблаган Қрим кўпригидаги портлашлардан кейин содир бўлди. Киевда эса, ўз навбатида, бу портлашларга алоқаси йўқлигини маълум қилган.
Мавзуга оид
22:45 / 09.10.2024
«Цистерналар портлашни бошлайди». Қримдаги йирик нефт базасида бошланган ёнғинни 3 кундан бери ўчириб бўлмаяпти
15:53 / 10.09.2024
Евроиттифоқ Қримдаги «сайловлар»нинг ноқонунийлигини таъкидлади
08:31 / 28.08.2024
Россия Украина билан уруш қатнашчиларига Қримдан ер беради
08:34 / 17.08.2024