Киев Берлиндан ҳар ойда 500 миллион долларлик ёрдам кутмоқда
Киев Германиянинг Украинага уруш давридаги молиявий ёрдами ойига ярим миллиард долларни (506 миллион евро) ташкил этишига умид қилмоқда.
«Бизнинг бюджетимиз учун ойига 4-5 миллиард доллар керак. Биз Германия ўз бўйнига ҳар ойда 500 миллион доллар олиши мумкинлигига ишонамиз», деди Володимир Зеленскийнинг маслаҳатчиси Олександр Роднянский Funke Mediengruppe'га камида кейинги олти ойлик муддат ҳақида гапириб.
Унинг сўзларига кўра, Украина ЕИ Украина бюджетини тўлдириш учун ойига икки миллиард долларга яқин маблағ ажратишига умид қилмоқда.
Бундан олдин Германия канцлери Олаф Шолц Берлинда бўлиб ўтган Германия-Украина иқтисодий форумида Украинани тиклашда бу давлат келажакда Европа Иттифоқига аъзо бўлиши кераклигини ҳисобга олиш лозимлигини маълум қилганди.
У Киевни Россиянинг йирик ҳужумларига учраган Украина энергетика сектори Украина ЕИга самарали электр энергияси етказиб берувчига айланиши учун тикланади, деб ишонтирди.
Шолц Россия президенти Владимир Путин томонидан бошланган уруш Германия ва Украинани бирлаштирганини таъкидлади.
Мавзуга оид
14:10 / 10.10.2024
Берлин иқтисодий прогнозни пасайтирди ва рецессияни кутмоқда
09:10 / 09.10.2024
Киев ноябрда тинчлик саммити ўтказиш режасидан воз кечди
09:40 / 08.10.2024
Киев РФ ҳарбий кемаси ишдан чиқарилганини эълон қилди
11:30 / 05.10.2024