Володимир Зеленский: Донбасс учун кураш давом этмоқда
Украина президенти Володимир Зеленский ўз видеомурожаатида Донбасс, жумладан Соледар, Бахмут ва Кременная учун жанг давом этаётганини айтди.
Унинг сўзларига кўра, Бахмут, хусусан, халқаро легион ва "Шаман" отряди жангчилари томонидан ҳимояланмоқда.
Зеленский, шунингдек, "Кракен" бўлинмаси жангчиларига Соледар яқинидаги жангларда чидамлилиги ва муваффақиятли ҳаракатлари учун миннатдорчилик билдирди.
Бундан олдин АҚШ Мудофаа вазирлиги Соледар Россия кучлари томонидан қўлга олинганини тасдиқламаганди. Бу ҳақда Вашингтондаги брифингда Пентагон матбуот котиби генерал Патрик Райдер маълум қилди.
«Биз аниқ биламизки, украиналиклар Соледар яқинида ҳарбий амалиётларни давом эттирмоқда», — дея қўшимча қилди Пентагон вакили.
Шунингдек, у Пентагон Москванинг Украинага Беларус ҳудудидан ҳужум қилишга тайёрланаётгани аломатларини кўрмаётганини таъкидлади.
Мавзуга оид
10:40 / 07.10.2024
Зеленский тинчликка эришиш ҳақида: Ҳудудлар олди-сотдисида қатнашмаймиз
23:25 / 03.10.2024
Тинчлик бўйича Нобел мукофотига 280 дан ортиқ номзод илгари сурилди. Улар орасида Навалний ҳам бор
10:30 / 28.09.2024
Трамп: Путин ҳам, Зеленский ҳам урушни тугатмоқчи
20:34 / 27.09.2024