Forbes Американинг энг саховатли миллиардерлари рейтингини тақдим қилди
Рўйхатда Уоррен Баффет, Билл Гейтс, Жорж Сорос каби миллиардерлар етакчилик қилмоқда.
Forbes журнали АҚШ тарихидаги энг сахий 25 миллиардер ҳомий рейтингини эълон қилди. Нашр уларнинг умри давомида хайрия тадбирларига сарфлаган пулларини ҳисоблаб чиқди.
Рўйхатда биринчи ўринни Berkshire Hathaway компанияси директори Уоррен Баффет эгаллаб турибди. 92 ёшли миллиардер ҳаёти давомида хайрия ишларига 51,5 миллиард доллар сарфлаган. Унинг маблағлари асосан соғлиқни сақлашни ривожлантириш ва қашшоқликка қарши кураш учун йўналтирилган.
Энг сахий миллиардерлар бешлигига Баффетнинг The Giving Pledge хайрия лойиҳасидаги шериклари ҳам кирган. Жумладан, Microsoft компанияси асосчиси ва унинг собиқ турмуш ўртоғи Билл Гейтс ва Мелинда Френч Гейтс (38,4 миллиард доллар), молиячи Жорж Сорос (18,4 миллиард доллар), Amazon асосчиси Жефф Безоснинг собиқ турмуш ўртоғи Маккензи Скотт (14,43 миллиард доллар) ва Нью-Йоркнинг собиқ мэри Майкл Блумберг (14,4 миллиард доллар).
Умуман олганда, рейтингдаги миллиардерлар хайрия ишларига 196 миллиард доллар сарфлаган. Уларнинг умумий бойлиги 936 миллиард долларга баҳоланган.
Мавзуга оид
19:11 / 04.09.2024
Америкалик миллиардер Жефф Безос 80 млн долларга шахсий самолёт сотиб олди
13:08 / 31.08.2024
АҚШда шаҳар ҳокимияти 12 ёшли боланинг хайрия дўконини ёпди. Аҳоли бола учун 20 минг доллар йиғиб берди
22:19 / 28.08.2024
Berkshire Hathaway капиталлашуви биринчи марта 1 триллион доллардан ошди
08:23 / 20.08.2024