Ўзбекистон Сингапур стартапларини Марказий Осиё бозорига киришда қўллаб-қувватлайди
IT Park директори бошчилигидаги мамлакат вакиллари Сингапур ҳукумати Савдо ва саноат вазирлиги ҳузуридаги Enterprise SG давлат ташкилоти офисида бўлди.
Enterprise SG вакиллари меҳмонларга ўзларининг асосий вазифалари ва истиқболлари ҳақидаги маълумотларни ўртоқлашди. Enterprise SG раҳбарияти маҳаллий стартапларда ўзбекистонлик IT-мутахассисларни ишга олишдан манфаатдорлигини билдирди.
IT Park раҳбарияти учрашув давомида Ўзбекистонда хорижий компаниялар учун алоҳида бизнес шароитлари ва махсус имтиёзлар мавжудлигини, Сингапур стартапларини Марказий Осиё бозорига киришда қўллаб-қувватловчи давлатга айланиши мумкинлигини таъкидлади. Ўзбекистон учун ҳам филиаллар очилиши иш ўринлари сони кўпайиши, хорижлик ҳамкасблар билан тажриба алмашиш каби қатор афзалликларга эга.
Муҳокама IT ва стартап экотизимини ривожлантириш билан боғлиқ томонларни қизиқтирган бошқа йўналишлар, Сингапур стартап экотизимини ривожлантиришга қаратилган Startup SG (Enterprise SG бўлими) томонидан ташкил этилган тадбирларда стартаплар иштирокини ҳам ўз ичига олди.
Мавзуга оид
21:03 / 31.08.2024
Сингапурда эркак хотини билан ажрашиш учун унинг машинасига каннабис ташлаб қўйгани аниқланди
14:16 / 24.08.2024
Ёшлар технопарклари стартапчилари хорижга стажировкага юборилади
14:02 / 24.08.2024
Сингапур компанияси Ўзбекистонга тўғридан тўғри чартер рейсларини амалга оширмоқчи
09:21 / 25.07.2024