11 та булбулни овлаган фуқаро қарийб 7 млн сўм жаримага тортилди
Қушлар табиатга қўйиб юборилди.
Тошкент вилояти, Оҳангарон тумани тоғли ҳудудларидан ноқонуний равишда, ҳеч қандай рухсатномасиз 11 та булбулни овлаган фуқаро ушланди. Қонунбузарлик ҳолати Табиат ресурслари вазирлиги Тошкент вилояти бошқармаси, ИИБ ЙПХ ва Миллий гвардия ходимлари ҳамкорлигидаги рейд тадбирида аниқланган.
Ҳуқуқбузардан ноқонуний ов қуроллари ашёвий далил сифатида олиб қўйилган. Қушлар эса табиат бағрига қўйиб юборилган.
Ҳолат юзасидан фуқарога нисбатан Маъмурий жавобгарлик тўғрисидаги кодекснинг 90-моддаси 1-қисмига асосан маъмурий баённома расмийлаштирилди. У ҳайвонот дунёсига 3,6 млн сўм миқдорида зарар етказгани аниқланди. Шунингдек, 3,3 млн сўм жарима белгиланди.
Ҳуқуқбузар жами 6,9млн сўм миқдорида жарима тўлайдиган бўлди.
Мавзуга оид
22:32 / 19.09.2024
Чанг бўронларига қарши курашиш ва оқибатларини юмшатиш бўйича миллий дастур ишлаб чиқилди
10:06 / 19.09.2024
“Омонқўтон” миллий табиат боғидаги ноқонуний йўл: прокуратура жиноят иши қўзғатди
21:39 / 17.09.2024
Олимлар Антарктида устидаги озон тешигининг қисқарганини эълон қилди
19:03 / 14.09.2024