Украина Мудофаа вазирлиги: УҚК Бахмутнинг ярмини қуршовга олди
Украина мудофаа вазири ўринбосари Анна Малярнинг айтишича, Украина қўшинлари Бахмутнинг ярмини қуршовга олган.
"Душман Бахмутни ўраб ололмади ва улар шаҳар атрофидаги ҳукмрон баландликларнинг бир қисмини йўқотдилар. Яъни, қўшинларимизнинг қанотлар бўйлаб шаҳар атрофида олдинга силжиши ҳали ҳам давом этаётгани душманнинг Бахмутда қолишини жуда қийинлаштиради", - деб ёзади Маляр.
Унинг сўзларига кўра, шаҳарнинг ярим ҳалқага ўраб олингани Украина Қуролли кучларига “душманни йўқ қилиш имкониятини” беради.
"Шунинг учун, душман шаҳарнинг ўзи назорат қилаётган қисмида ўзини ҳимоя қилиши керак. Бизнинг ҳимоячиларимиз "Самолёт" ҳудудидаги саноат ва инфратузилма объектлари ҳамда Бахмут хусусий сектори устидан назоратни сақлаб қолди", деди Маляр.
Россия Донецк областининг Бахмут шаҳри учун жангларда 100 мингга яқин ҳарбий йўқотган. Бу ҳақда Япониядаги G7 саммитида АҚШ президенти Жо Байден айтиб ўтди.
Украинанинг бўлажак қарши ҳужумини муҳокама қиларкан, Байден 2022 йил ёзидан буён жанглар кечаётган Бахмут ҳақида эслаб ўтди. Шу кунларда Россия томони шаҳар тўлиқ назорат остига олингани ҳақида эълон қилганди.
"Бахмут атрофида муҳокамалар кетмоқда — шаҳар бой берилганми ёки йўқ. Ҳақиқат шундаки, Россия Бахмутда юз мингга яқин одамидан айрилди. Буни тўлдириш қийин. У босиб олинганми ёки йўқми, бу муҳим эмас, у барибир вайрон қилинган шаҳар", — деган АҚШ президенти.
Мавзуга оид
08:10 / 30.09.2024
Украина Россиядаги ракета арсеналига муваффақиятли зарба берганини эълон қилди
18:01 / 29.09.2024
Фронтдаги вазият: Россия армияси Украинанинг муҳим қалъаси — Вуҳледарни деярли тўлиқ қуршаб олди
13:31 / 29.09.2024
Путин Россиянинг ядро доктринасини ўзгартирмоқчи. Бу амалда нимани англатади?
22:10 / 28.09.2024