Ўзбекистонда ипак толали ҳимояланган қоғоздан банкнотлар ишлаб чиқарилиши мумкин
Қоғоз тайёрлаш жараёнида табиий ипак толалар қоғоз массасига қўшилади, сўнгра унга флуоресцент эритмаси шимдирилади.
«Давлат белгиси» корхонаси, «Ўзбекипаксаноат» уюшмаси ҳамда Тошкент тўқимачилик ва енгил саноат институти мутахассисларининг ҳамкорликда ўтказган ипак толаси қўшилган ҳимояланган қоғозни тайёрлаш бўйича изланишига Адлия вазирлиги томонидан патент берилди. Бу ҳақда Марказий банк хабарида айтилмоқда.
Қайд қилинишича, банкнотлар, қимматли қоғозлар ва бошқа ҳужжатлар учун ҳимоя хусусиятлари оширилган табиий ипак толалари қўшилган қоғоз тайёрлаш технологияси дунёда илк бор Ўзбекистонда ишлаб чиқилди.
Ушбу ихтиро туфайли ҳимоя элементлари таркибига ипак толаси қўшилган қимматбаҳо қоғозни бошқа турдаги қоғозлардан ажратиш имконияти пайдо бўлиши айтилмоқда.
Қоғоз тайёрлаш жараёнида табиий ипак толалар қоғоз массасига қўшилади, сўнгра унга флуоресцент эритмаси шимдирилади. Ультрабинафша нурлар билан ёритилганда ипак оқсили тўқ рангга киради ва шу йўсинда қоғоз қалбакилаштиришдан ҳимояланади. Бир хил қалинликдаги табиий ипакнинг қоғоз таркибига қўшилиши натижасида унинг мустаҳкамлиги бир неча баравар ошади.
Мавзуга оид
14:05 / 12.09.2024
Марказий банк асосий ставкани йиллик 13,5 фоиз даражасида ўзгаришсиз қолдирди
15:30 / 09.09.2024
Ўзбекистоннинг олтин-валюта захиралари 39 млрд долларга етди. Бу – рекорд кўрсаткич
17:04 / 05.09.2024
Ўзбекистон кетма-кет иккинчи ой энг кўп олтин харид қилган давлатлардан бири бўлди
16:07 / 22.08.2024