Қўшимча функционаллар
-
Тунги кўриниш
Тошкентда Malibu-2, Lacetti ва электробус иштирокида ЙТҲ содир бўлди
Тошкент шаҳрининг Яккасарой туманида 2 та енгил автомобил ва электробус иштирокида йўл-транспорт ҳодисаси содир бўлди. Ҳайдовчилардан бири шифохонага олиб кетилган.
Фото: ИИББ ЙҲХБ
Жорий йилнинг 5 июн куни соат 10:00 ларда Яккасарой тумани Шота Руставели - Глинка кўчалари кесишган чорраҳада йўл-транспорт ҳодисаси қайд этилди.
Тошкент шаҳар ИИББ ЙҲХБ ахборот хизмати хабарига кўра, 1992 йилда туғилган ҳайдовчи бошқарувида бўлган Lacetti, 1980 йилда туғилган ҳайдовчи бошқарувида бўлган Malibu-2 ва 1970 йилда туғилган ҳайдовчи бошқарувида бўлган Yutong электробуси иштирокида тўқнашув кузатилган.
«Тошшаҳартрансхизмат» хабарига кўра, Lacetti светофорнинг қизил чироғига амал қилмасдан ҳаракатланиб, Malibu-2 автомобилига урилган, Malibu эса бошқарувни йўқотиб, 81-сонли йўналишда ҳаракатланувчи Yutong электробуси билан тўқнашган.
ЙТҲ оқибатида Malibu-2 автомашинаси ҳайдовчиси тан жароҳатлари билан шифохонага ётқизилган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
Мавзуга оид
15:03
Андижонда Damas ағдарилиб пиёдалар йўлакчасида 9 ёшли қизчани босиб қолди
13:19
Пензадаги ЙТҲда ҳалок бўлган ўзбекистонликлар сони аниқлаштирилди
19:07 / 12.11.2024
ФВВ автомобили вазирлик биносига киришда қўпол қоидабузарлик қилди
17:41 / 12.11.2024