Янги Google смартфонларидан компьютер ўрнида фойдаланиш мумкин
Қурилмалар офисдаги енгил ишларни бажариш ва мультимедиа файлларини тинглаш учун ишлатилиши мумкин.
Google Pixel 8 ва Pixel 8 Pro смартфонларни USB-C орқали монитор ва телевизорларга улаш ва шахсий компьютер сифатида фойдаланиш имконини берувчи DisplayPort функциясини қўллаб-қувватлайди. Бу ҳақда AndroidAuthority хабар берди.
DisplayPort режимида Pixel 8 ва Pixel 8 Pro смартфонлари USB-C орқали нафақат видео, балки аудиони ҳам узата олади. AndroidAuthority ушбу функциядан фойдаланиш истиқболлари «чексиз» эканлигини ёзди.
Google биринчи навбатда шахсий компьютер ўрнига смартфондан фойдаланиш имкониятини кўриб чиқмоқда. Pixel смартфонлари аллақачон клавиатура ва сичқончани қўллаб-қувватлайди, шунинг учун улар офисдаги енгил ишларни бажариш ва мультимедиа файлларини тинглаш учун ишлатилиши мумкин.
Смартфондан шахсий компьютер сифатида қулайроқ фойдаланиш учун Google уларда иш столи режимини жорий қилмоқчи. У Android интерфейсини сичқонча ва клавиатурани бошқариш учун мослаштириш имконини беради.
Мавзуга оид
22:21 / 18.09.2024
Европа Иттифоқи суди Google’га белгиланган 1,5 млрд евролик жаримани бекор қилди
21:44 / 17.09.2024
Apple корпорацияси iOS 18 операцион тизимини чиқарди
22:24 / 10.09.2024
Sony компанияси PlayStation 5 Pro консолини тақдим қилди
21:33 / 10.09.2024