Тошкентда Malibu-2 уриб юборган пиёда вафот этди
Яккасарой туманида одам ўлими билан якун топган йўл-транспорт ҳодисаси содир бўлди.
Жорий йилнинг 8 август куни соат 23:50 ларда Яккасарой тумани Кичик ҳалқа автомобил йўли кўчаси 1-уй қаршисида йўл-транспорт ҳодисаси кузатилган.
Тошкент шаҳар ИИББ ЙҲХБ ахборот хизмати хабарига кўра, 2002 йилда туғилган Ш.Ғ. Malibu-2 русумли автомашинасини бошқариб кетаётиб, йўлнинг белгиланмаган қисмидан кесиб ўтаётган пиёда, 1949 йилда туғилган М.Ҳ.ни уриб юборган.
ЙТҲ натижасида пиёда олган тан жароҳатлари оқибатида воқеа жойида вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми билан жиноят иши қўзғатилган. Тергов давом этмоқда.
- Йўл ҳаракати хавфсизлиги хизмати маълумотига кўра, 2022 йилда Ўзбекистонда 9902 та ЙТҲ рўй берган. Барча ҳодисаларнинг катта қисми – 44,9 фоизи – пиёдаларни уриб кетиш билан боғлиқ. Йўл-транспорт ҳодисалари оқибатида жами 2356 киши ҳалок бўлган.
Мавзуга оид
14:07 / 21.09.2024
Ромитан ҳокими ёрдамчиси содир этган ЙТҲда мактаб ўқувчиси ҳалок бўлди
15:26 / 20.09.2024
Скутер ва юк машиналарига доир тақиқлар, “радарлар” ҳамда ЙҲХХнинг бекор бўлаётган ваколати – Сенат янги ўзгаришларни маъқуллади
14:28 / 20.09.2024
Сергелида BYD уриб юборган ўқувчи қиз вафот этди
12:20 / 20.09.2024