Тошкент вилоятида 3 та юк машинаси иштирокида ЙТҲ рўй берди
Ангренда Shacman юк машинаси Cobalt автомобили ҳамда Volkswagen, Man юк машиналари билан тўқнашув содир этди. ЙТҲ оқибатида икки ҳайдовчи ва бир йўловчи шифохонага ётқизилган.
27 август куни соат 03:30 атрофида Тошкент вилояти Ангрен шаҳрида юк машиналари иштирокида йўл-транспорт ҳодисаси содир бўлди. Бу ҳақда вилоят Йўл ҳаракати хавфсизлиги бошқармаси матбуот хизмати хабар бермоқда.
Шаҳар ҳудудидан ўтган халқаро аҳамиятдаги А-373 автомобил йўлининг 183-километрида Shacman русумли юк автотранспорт ҳайдовчиси ўзи билан бир йўналишда олдинда ҳаракатланаётган Cobalt ва Volkswagen Crafter русумли юк автомашиналари билан тўқнашган.
Шундан сўнг Shacman йўл четида ҳаракатсиз турган Man русумли юк автомобилига урилиб тўхтаган.
ЙТҲ оқибатида 2 нафар ҳайдовчи ва бир нафар йўловчи тан жароҳати олиб, шаҳар марказий шифохонасига ётқизилган.
Ҳолат юзасидан Ангрен шаҳар ИИБ томонидан терговга қадар суриштирув ишлари олиб борилмоқда.
Мавзуга оид
14:04
Тошкентда катта тезликда ҳаракатланган ҳайдовчи 19 ёшли қизнинг ҳаётига зомин бўлди
14:07 / 21.09.2024
Ромитан ҳокими ёрдамчиси содир этган ЙТҲда мактаб ўқувчиси ҳалок бўлди
15:26 / 20.09.2024
Скутер ва юк машиналарига доир тақиқлар, “радарлар” ҳамда ЙҲХХнинг бекор бўлаётган ваколати – Сенат янги ўзгаришларни маъқуллади
14:28 / 20.09.2024