Тўқаев рус тили бўйича халқаро ташкилот таъсис этишни таклиф қилди
Путин бу ташаббуси учун унга алоҳида миннатдорлик билдирди.
Бишкекдаги МДҲ давлатлари раҳбарлари саммитида Қозоғистон президенти Қосим-Жўмарт Тўқаев МДҲ давлатлари негизида рус тили бўйича халқаро ташкилот таъсис этиш ташаббуси билан чиққан.
Тўқаевнинг ташаббусига кўра, Рус тили бўйича халқаро ташкилот тўғрисидаги шартнома имзоланади. Шартнома таъсис этилаётган ташкилотнинг ҳуқуқий мақоми, мақсад ва вазифалари, шунингдек унинг органлари фаолияти тартибига аниқлик киритади.
Ташкилотнинг бош мақсади шартномага аъзо давлатларнинг рус тилини қўллаб-қувватлаш ва илгари суриш учун кўптомонлама ўзаро манфаатли ҳамкорликни мустаҳкамлаш экани кўрсатилган.
Путин бу ташаббуси учун Қозоғистон президенти Тўқаевга алоҳида миннатдорлик билдирди, лекин видеода у бу сафар ҳам Қосим-Жўмарт Кемеловичнинг исми-шарифини тўғри талаффуз қила олмаганини кўриш мумкин.
Мавзуга оид
10:50
Путин Шейнбаум инаугурациясида қатнашиш учун Мексикага бормайди
18:18 / 16.09.2024
Россия-Украина ўртасидаги ҳарбий ҳаракатлар тўхтатилиши керак — Тўқаев
09:52 / 14.09.2024
ЕИ Путиннинг сўзларидан кейин Украина учун қурол бўйича ўз позициясини ўзгартирмади
18:00 / 13.09.2024