Кувайт Тошкентда автомашиналар эҳтиёт қисмлари ишлаб чиқариши мумкин
Кувайт бизнеси Ўзбекистонда лойиҳа амалга оширишга қизиқиш билдирмоқда.
Ўзбекистоннинг Кувайтдаги элчихонасида таниқли инвестор Бадр Сари Халиф Султон ал-Энези билан учрашув ўтказилди.
«Дунё» хабарига кўра, мулоқот чоғида Ўзбекистонга хорижий инвестицияларни жалб этиш ва қўшма лойиҳаларни амалга ошириш масалалари хусусида фикр алмашилди.
Бадр Сари Халиф Султон ал-Энезининг айтишича, у айни пайтда Тошкент шаҳрида автомашиналар эҳтиёт қисмлари ишлаб чиқаришга ихтисослашган Suraya компанияси филиалини ташкил этишни режалаштирмоқда.
– Шунингдек, биз Ўзбекистондаги юк машиналари учун турли эҳтиёт қисмларини етказиб бериш бўйича ҳам ҳамкорлик қилмоқчимиз, – деди у. – Ўзбекистонда амалга ошириладиган бизнес лойиҳаларга тўғридан тўғри сармоя киритилади. Мазкур режаларни ҳаётга татбиқ этиш бўйича ишларни бошлаш учун 2024 йил январ ойида Ўзбекистонга боришни режалаштиряпмиз.
Мавзуга оид
12:41 / 24.07.2024
Кувайт Ўзбекистонда фармацевтика маҳсулотлари ишлаб чиқаришга қизиқиш билдирмоқда
12:29 / 24.07.2024
Кувайт Ўзбекистон билан тоғ-кон саноати соҳасида ҳамкорликни йўлга қўймоқчи
09:19 / 15.07.2024
Кувайт «жуда катта» нефт конини топди
12:44 / 26.06.2024