Қўшимча функционаллар
-
Тунги кўриниш
“Права”сиз Damas бошқарган йигит Nexia-2ʼнинг ёниб кетишига сабаб бўлди
У чорраҳада светофорнинг қизил чироғида ҳаракатланиб, ўз йўлидан келаётган Nexia-2ʼга урилган.
Жиззах шаҳрида Damas ва Nexia-2 машиналари ўзаро тўқнашган. Вилоят ИИБ ахборот хизматининг хабар беришича, ҳодиса 2024 йил 29 январ куни содир бўлган.
Жиззах шаҳри Ўратепалик маҳалласи ҳудудида иккита кўча кесишмасида Damas ва Nexia-2 ўзаро тўқнашган. Оқибатда Nexia-2ʼда ёнғин бошланиб, кўп ўтмай машина бутунлай ёниб кетган.
Дастлабки суриштирувда Damas бошқарувида бўлган 22 ёшли йигит ҳали ҳайдовчилик гувоҳномаси олмагани ва у светофорнинг қизил чироғида ўтиб келиб, Nexia-2 билан тўқнашгани аниқланган.
Қайд этилишича, Nexia-2 машинасининг ҳайдовчиси ва йўловчиларига тез тиббий ёрдам кўрсатилган. Улардан бири шифохонага ётқизилган.
Ҳозирда ҳолат юзасидан Жиззах шаҳар ИИБ тергов бўлими томонидан суриштирув ҳаракатлари олиб борилмоқда.
Мавзуга оид
08:30 / 28.10.2024
Жиззахда иккита юк машинаси тўқнашди
22:09 / 14.10.2024
Жиззах вилояти соғлиқни сақлаш бошқармасига янги раҳбар тайинланди
20:36 / 12.10.2024
Жиззахда Ўзбекистон-Қозоғистон қўшма ҳарбий машғулотлари ўтказилди
19:48 / 19.09.2024