Тошкентда автобус ҳайдовчисининг қоидабузарлиги сабаб электробус техник шикастланди
Яшнобод тумани Махтумқули кўчасида 2 та автобус тўқнашиши оқибатида электробусга техник зарар етди. Ҳайдовчи оралиқ масофани сақламай транспортни тўхтатгани сабаб автобус қирилгани маълум қилинди. Воқеада жароҳатланганлар йўқ.
Тармоқларда 2 та Yutong русумли электробус ҳайдовчисининг пойга ўйнагани сабаб бир-бири билан тўқнашиб, ойнасини синдиргани ҳақидаги хабарлар тарқалди.
Ҳолат юзасидан “Тошшаҳартрансхизмат” муносабат билдирди. Унга кўра, воқеа 7 феврал куни соат 11:00 да кузатилган. Яшнобод тумани Махтумқули кўчаси бўйлаб ҳаракатланиб келаётган 28-сонли йўналиш ҳайдовчиси автобусни Успенский номидаги мусиқа мактаби бекатига тўхтатаётган вақтида шу бекатда туриб йўловчи тушираётган 44-сонли автобусга техник зарар етказган.
“44-сонли автобус билан ёнлама оралиқ масофани сақламагани оқибатида 28-сонли автобуснинг ўрта эшик қисми ҳамда 44-сонли автобуснинг чап томон орқани кўриш ойнасининг корпус қисми билан бир-бирига тегиб қирилган”, – дейилади расмий хабарда.
АЖ содир этилган тўқнашувда тан жароҳати олганлар йўқлигини қўшимча қилган. Ҳозирда ЙТҲ Тошкент шаҳар Ички ишлар бош бошқармаси Йўл ҳаракати хавфсизлиги бошқармаси ходимлари томонидан ўрнатилган тартибда расмийлаштирилмоқда.
Мавзуга оид
15:26 / 20.09.2024
Скутер ва юк машиналарига доир тақиқлар, “радарлар” ҳамда ЙҲХХнинг бекор бўлаётган ваколати – Сенат янги ўзгаришларни маъқуллади
10:23 / 14.09.2024
Чортоқда 14 ёшли боланинг умрига зомин бўлган Malibu ҳайдовчиси 4 йилга қамалди
15:13 / 09.09.2024
Навоийда икки ўқувчининг умрига зомин бўлган ҳайдовчи 5 йилга қамалди
09:43 / 11.08.2024