Қўшимча функционаллар
-
Тунги кўриниш
Жиззахда юк машинаси ёниб кетди
Ҳайдовчи бошқарувни йўқотиб, йўл ўртасидаги бетон тўсиққа урилган. Тўқнашув оқибатида юк автомобилида ёнғин юзага келган.
Фото: Видеодан кадр
Шароф Рашидов туманида юк автомобили билан боғлиқ ЙТҲ содир бўлди. Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати ҳолат юзасидан расмий маълумот берди.
Дастлабки маълумотларга кўра, ЙТҲ бугун соат 10:30лар атрофида Жиззах вилояти, Шароф Рашидов тумани ҳудудидан ўтувчи М-39 автомобил йўлининг 983-километрида содир бўлган. Юк автомобили ҳайдовчиси бошқарувни йўқотиб, йўлнинг қарама-қарши оқимини ажратиб турувчи бетон тўсиққа урилган. Бунинг оқибатида автомобилда ёнғин юзага келган.
Ёнғинни ўт ўчирувчилар томонидан бартараф этиш чоралари кўрилган. Қайд этилишича, ҳодиса оқибатида тан жароҳати олганлар йўқ.
Ҳозирда ЙТҲ юзасидан туман ИИБ ЖХХ ЙҲХБ ҳамда ФВБ ходимлари томонидан суриштирув ҳаракатлари олиб борилмоқда.
Олдинроқ Тошкент марказида двигател қисмидаги қисқа туташув сабабли Matiz машинаси ёниб кетганди.
Мавзуга оид
09:25 / 06.11.2024
Жиззахда қарийб 800 млн сўмлик электрдан ноқонуний фойдаланган фуқаро аниқланди
15:34 / 03.11.2024
Қамчиқ довонида юк машинаси ёниб кетди
07:50 / 31.10.2024
Йўлнинг четки чап қаторида ҳаракатланган юк машинаси ҳайдовчилари жаримага тортилади
13:50 / 28.10.2024