Тошкентда савдо растасида ёнғин содир бўлди

Толариқ кўчасида жойлашган очиқ павилён тарзда жиҳозланган савдо растасида 30 квадрат метр майдонда эски буюмлар ёнган.

Фото: Видеодан кадр

Кеча, 10 апрел куни Тошкент шаҳар Яшнобод тумани туманида ёнғин юз берди.

Тошкент шаҳар ФВБ хабарига кўра, «Янгиқўрғон» МФЙ Толариқ кўчасида жойлашган очиқ павилён тарзида жиҳозланган савдо растасида 30 квадрат метр майдонда эски буюмлар ёнган.

Тошкент шаҳар ФВБга соат 22:55 да хабар келиб тушиб, айтилган манзилга ёнғин қутқарув бўлинмалари соат 23:00 да етиб бориб, ёнғин соат 23:07 да қуршаб олинган ва соат 23:09 да ўчирилган.

Ёнғин оқибатида ҳалок бўлганлар ва жароҳат олганлар йўқ.

#ёнғин #Яшнобод