Ўзбекистонда болаларда саратонни даволаш бўйича янги келишув имзоланди
Ўзбекистонда болалар орасида саратон касаллигини даволаш бўйича янги келишув имзоланди.
Соғлиқни сақлаш вазирлиги хабарига кўра, Тошкент шаҳрида Жаҳон соғлиқни сақлаш ташкилоти ва ССВ томонидан Ўзбекистоннинг Болаларни саратон касаллигидан даволаш учун дори воситалари билан таъминлаш бўйича глобал платформасида иштирок этиши тўғрисидаги келишувни имзолаш маросими бўлиб ўтди.
Унга асосан 14 та тиббиёт муассасаси саратон касаллигига чалинган болалар учун сифатли дори воситаларини узлуксиз қабул қилиши ҳамда уларни бу йўналишда ҳар томонлама қўллаб-қувватланиши кўзда тутилган.
Дунёда биринчи бўлган ушбу платформа ЖССТ ва АҚШнинг Сент-Жуд болалар илмий-тадқиқот шифохонасининг лойиҳаси бўлиб, болаларни молиявий қийинчиликларсиз хавфсиз, самарали ва сифатли саратонга қарши дори воситалари билан таъминлашга қаратилган. Ўзбекистон унда иштирок этувчи мамлакатлардан бири сифатида танланган.
Келгуси олти йил ичида Сент-Жуд шифохонаси глобал платформага 200 миллион АҚШ доллари миқдорида сармоя киритишни режалаштирмоқда.
Мавзуга оид
08:40 / 13.09.2024
Россияда қийин вазиятга тушиб қолган бола Ўзбекистонга олиб келинди
17:41 / 07.09.2024
Хитой хорижликларга бола асраб олишни тақиқлайди
12:24 / 06.09.2024
Смартфонлар мия саратонига сабаб бўлиши ҳақидаги фикрлар асоссиз деб топилди
07:31 / 28.08.2024