Қўшимча функционаллар
-
Тунги кўриниш
Шавкат Мирзиёев Туркия Буюк миллат мажлиси раиси Нуман Қуртулмуш билан учрашди
Ўзбекистон президенти Туркия билан парламентлараро алоқалар жадал ривожланаётганини мамнуният билан қайд этди.
Президент Шавкат Мирзиёев 22 май куни расмий ташриф билан келган Туркия Республикаси Буюк миллат мажлиси раиси Нуман Қуртулмуш бошчилигидаги делегацияни қабул қилди.
Ўзбекистон-Туркия кенг қамровли стратегик шериклик муносабатларини ривожлантиришнинг долзарб масалалари кўриб чиқилди. Икки томонлама ҳамкорликнинг ҳозирги юксак босқичи, барча даражада фаол мулоқот ва алмашинувлар давом этаётгани таъкидланди.
Парламентлараро алоқаларни янада ривожлантириш, Ўзбекистон-Туркия ҳамкорлиги кун тартибини шакллантиришда ва олий даражадаги келишувлар ижроси устидан назоратни таъминлашда дўстлик гуруҳлари ва тегишли қўмиталарнинг фаол иштироки муҳим экани таъкидланди.
Инвестиция дастурларини илгари суриш, туризм, ишбилармонлик ва таълим алмашинувларини рағбатлантиришга алоҳида эътибор қаратилди.
Халқаро тузилмалар, хусусан, Туркий давлатлар ташкилоти доирасидаги парламентлараро ҳамкорлик истиқболлари ҳам муҳокама қилинди.
Мавзуга оид
11:40
Туркияда қариндоши томонидан фоҳишаликка мажбурланган қиз Ўзбекистонга қайтарилди
17:29 / 18.11.2024
Bloomberg: Эрдўған Россия—Украина урушини музлатиб қўйиш режасини тайёрлади
21:10 / 17.11.2024
Туркия Исроил президентининг самолётини ўз ҳаво ҳудудига киритмади — ОАВ
16:43 / 06.11.2024