Қўшимча функционаллар
-
Тунги кўриниш
Ўзбекистон қишлоқ хўжалигида Италия илмий инновациялари жорий этилиши мумкин
Ўзбекистон илмий-тадқиқот институтлари олимларидан иборат делегация қишлоқ хўжалигида бошқарув стратегияси ва инновацион ишланмаларни амалиётга самарали жорий этиш бўйича илғор хорижий тажрибани ўрганиш мақсадида Италияга борди.
Фото: "Дунё" АА
"Дунё" хабарига кўра, мазкур амалий сафар мамлакатнинг Италиядаги элчихонаси томонидан Ўзбекистондаги БМТ Тараққиёт дастури ва Европа Иттифоқи кўмагида ташкил этилди.
Ташриф давомида тадқиқотчилар Италия Қишлоқ хўжалиги вазирлиги ҳузуридаги Қишлоқ хўжалиги тадқиқотлари ва иқтисодий таҳлили кенгаши (КРЕА) илмий марказларида хорижлик ҳамкасблари билан учрашувлар ўтказади ҳамда экспериментал майдонларда олиб борилаётган илмий изланиш жараёнларини кузатишади.
Италия тажрибасини ўрганиш жараёнида органик деҳқончилик, узумчилик, ўсимликлар ҳимояси, чорвачилик ва аквакултура, сут ва сут маҳсулотлари ишлаб чиқариш, микробиология ва механизациялаш йўналишлари мутахассисларнинг диққат марказида бўлади.
Бир ҳафта давомида икки мамлакат тадқиқотчилари тупроқ эрозиясини бартараф этиш, сув танқислиги олдини олиш, ҳашаротларга қарши курашиш, биохилма-хилликни яхшилаш, қўшимча қиймат занжирини шакллантириш, чиқиндиларни камайтириш ва озиқ-овқат хавфсизлигини таъминлаш билан боғлиқ амалиётлар бўйича фикр алмашади.
Мавзуга оид
13:55
Нидерландияда ўзбекистонлик мутахассислар учун малака ошириш курслари ташкил этилади
16:48 / 17.11.2024
Италиялик тадбиркор ўғирлаб кетилишини уюштирган ўзбекистонлик қўлга олинди
22:08 / 15.11.2024
Алп тоғларида туристлар 280 млн йиллик қадимий ҳайвонлар изларига дуч келди
18:29 / 12.11.2024