Мўғулистон, Словения ва Колумбиянинг Ўзбекистондаги элчилари тайинланди
Ташқи ишлар вазирлигида элчилардан ишонч ёрлиқлари қабул қилинди.
Мўғулистон, Словения ва Колумбиянинг Ўзбекистондаги фавқулодда ва мухтор элчилари тайинланди. Бу ҳақда Ташқи ишлар вазирлиги хабар берди.
Мўғулистоннинг Ўзбекистондаги элчиси Дааданхуу Батбаатар ташқи ишлар вазири Бахтиёр Саидовга ишонч ёрлиқлари нусхаларини топширди. Учрашувда Мўғлуистон президентининг Ўзбекистонга бўлажак ташрифи, иқтисодий дипломатияни фаол илгари суриш, қўшма истиқболли лойиҳаларни ишлаб чиқиш, барча соҳаларда яқин ҳамкорликни ривожлантириш масалалари муҳокама этилди.
Словениянинг Ўзбекистондаги элчиси Даря Бавдаж Курет ташқи ишлар вазири Бахтиёр Саидовга ишонч ёрлиқлари нусхаларини топширди. Учрашувда икки давлат ўртасидаги ҳамкорликнинг асосий устувор йўналишлари муҳокама этилди.
Колумбиянинг Ўзбекистондаги элчиси Эктор Исидро Аренас Нейра ташқи ишлар вазири Бахтиёр Саидовга ишонч ёрлиқлари нусхаларини топширди. Учрашувда икки томонлама алоқаларни чуқурлаштириш, ишбилармонлик, сиёсий, маданий ҳамкорликни ҳамда халқ дипломатиясини ривожлантириш муҳимлиги таъкидланди.
Мавзуга оид
09:40 / 07.09.2024
ХЖС прокурори: Мўғулистон Путиннинг ташрифи бўйича тушунтириш бериши керак
18:41 / 03.09.2024
Мўғулистон расмийси Путин ҳибсга олинмаслигини изоҳлади
13:17 / 03.09.2024
Украина Путинни ҳибсга олмагани учун Мўғулистонга оқибатлар билан таҳдид қилди
11:16 / 03.09.2024