Ўзбекистон 5 ойда қарийб 1,3 млрд долларлик тўқимачилик маҳсулотларини экспорт қилди

Бу мамлакат умумий экспортининг 11,8 фоизини ташкил этган.

Ўзбекистон 5 ойда қанча тўқимачилик маҳсулотларини экспорт қилгани маълум қилинди.

Статистика агентлиги маълумотларига кўра, Ўзбекистон 2024 йилнинг январ-май ойларида қиймати қарийб 1,3 млрд АҚШ долларлик тўқимачилик маҳсулотларини экспорт қилган. Бу кўрсаткич умумий экспортнинг 11,8 фоизини ташкил этиб, ўтган йилнинг мос даврига нисбатан 0,5 фоизга ошган.

Экспорт қилинган тўқимачилик маҳсулотлари таркибида тайёр тўқимачилик маҳсулотлари (37,6 фоиз), калава-ип (46,8 фоиз) асосий улушни эгаллаган. 2024 йилнинг январ-май ойларида дунёнинг 55 та давлатига тўқимачилик маҳсулотлари экспорт қилинган.

Аввалроқ Ўзбекистон 5 ойда 420 млн долларлик мева сабзовотни экспортга чиқаргани хабар қилинганди.

#экспорт #тўқимачилик