АҚШда Россия фуқароси санкцияларни четлаб ўтгани учун 3 йилга қамалди

Россия фуқароси Максим Марченко Ню-Йорк жанубий округи федерал суди томонидан Америка микроэлектроникасини ноқонуний сотиб олиш ва Россияга олиб ўтиш иши бўйича уч йил қамоқ жазосига маҳрум этилди. Бу ҳақда 17 июл, чоршанба куни АҚШ Адлия вазирлиги матбуот хизмати хабар берди. 

Қайд этилишича, 52 ёшли Марченко Ҳонгконгда яшаган ва бир нечта ширкатлар, жумладан Alice Components Co. Ltd. (Alice Components), Neway Technologies Limited (Neway) ва RG Solutions Limited (RG Solutions)’ни бошқарган. 

Тергов маълумотларига кўра, эркак ва унинг Россия фуқаролари бўлган икки шериги Ҳонгконг, Россия ва бошқа мамлакатларда ноқонуний харидлар тармоғини бошқарган. Ушбу харид тармоғи фирибгарлик йўли билан америкалик дистрибюторлардан микроэлектроника, хусусан, OLED микродисплейларини катта миқдорда қўлга киритган. Сохта компаниялар Америка расмийларидан товарлар Россияга етказиб берилишини яшириши керак эди.

Максим Марченко ва унинг шериклари фирибгарлик йўли билан қўлга киритган технология муҳим ҳарбий аҳамиятга эга, масалан, милтиқ нишонга олувчилари, тунги кўриш кўзойнаклари, термал тасвир оптикаси ва бошқа қурол тизимларида, дейилади пресс-релизда. 

АҚШда урушга қарши санкцияларни четлаб ўтгани учун таъқиб этилиши

Айни пайтда, юқоридаги шахслар АҚШ дистрибюторларига (улар ўз навбатида АҚШ расмийларига ҳисобот бериши керак) ёлғон хабар тақдим этган, унда Alice Components тиббий электрон микроскопларда фойдаланиш учун Ҳонгконг, Хитой ва Россиядан ташқаридаги бошқа мамлакатлар фойдаланувчиларига микроэлектроникани жўнатгани айтилган.

«Ушбу идора (АҚШ прокуратураси) бизнинг энг махфий технологияларимизга кириш мақсадида қонунларимизни четлаб ўтишга уринаётганларни жавобгарликка тортиш йўлида ҳеч нарсадан тўхтамайди. Бугунги ҳукм шуни эслатиши керакки, ҳеч қандай ширкат ёки хиёнат прокурорларни технологияларни ноқонуний қўлга киритмоқчи бўлганларни таъқиб қилишдан тўхтата олмайди», - дея прокурор Дэмиан Уилямс Марченконинг ҳукмига изоҳ берди.

2024 йил феврал ойида Максим Марченко пул ювиш ва контрабандада айбланиб, айбдор деб топилди, дейилади пресс-релизда.