Жиззахда содир бўлган ЙТҲда икки киши ҳалок бўлди
Нексия ҳайдовчиси қувиб ўтиш қоидаларини бузиб катта тезликда қарама-қарши йўналишга чиққан ва ўз йўлидан келаётган Ласетти билан тўқнашган.
Жиззах вилояти Шароф Рашидов туманида содир бўлган йўл-транспорт ҳодисасида ҳайдовчи ва йўловчи ҳалок бўлган. Вилоят ИИБ ЙҲХБ ахборот хизматининг хабар беришича, ҳодиса 2024 йил 3 сентябр куни содир бўлган.
Зомин-Жиззах йўналишида ҳаракатланган Нексия машинаси ҳайдовчиси тезликни меъёрдан оширган ва қувиб ўтиш қоидаларини бузиб қарама-қарши йўналишга чиққан.
Шунда, Нексия ўз йўлидан ҳаракатланиб келаётган Ласетти машинаси билан тўқнашган. Оқибатда Нексиянинг 42 ёшли ҳайдовчиси оғир тан жароҳатлари олиб воқеа жойида, унинг 66 ёшли йўловчиси эса шифохонада вафот этган.
Қайд этилишича, ҳодиса юзасидан Шароф Рашидов тумани ИИБ томонидан терговга қадар текширув ҳаракатлари олиб борилмоқда.
Мавзуга оид
14:07
Ромитан ҳокими ёрдамчиси содир этган ЙТҲда мактаб ўқувчиси ҳалок бўлди
15:26 / 20.09.2024
Скутер ва юк машиналарига доир тақиқлар, “радарлар” ҳамда ЙҲХХнинг бекор бўлаётган ваколати – Сенат янги ўзгаришларни маъқуллади
14:28 / 20.09.2024
Сергелида BYD уриб юборган ўқувчи қиз вафот этди
12:20 / 20.09.2024