Қўшимча функционаллар
-
Тунги кўриниш
Электромобиллар аккумулятори учун утилизация йиғими жорий этилиши мумкин
Тўловни тайёр маҳсулотларни импорт қилувчилардан ёки маҳаллий аккумулятор ишлаб чиқарувчилардан ундириш режалаштирилган.
Фото: Christian Charisius/dpa/picture alliance
Ўзбекистонда 2025 йилдан электромобиллар аккумуляторлари учун утилизация йиғими жорий этиш таклиф қилинмоқда. Бу ҳақда 28 октябр куни Иқтисодиёт ва молия вазирлигида бўлиб ўтган йиғилишда вазир ўринбосари Аҳадбек Ҳайдаров маълум қилди.
Spot хабарига кўра, тўловни тайёр маҳсулотларни импорт қилувчилардан ёки маҳаллий аккумулятор ишлаб чиқарувчилардан ундириш режалаштирилган.
Шундай қилиб, янги солиқ электромобиллар эгаларига, шунингдек, автомобилларни тайёр ҳолда олиб кирувчи жисмоний ва юридик шахсларга тааллуқли бўлмайди, дея таъкидлади Иқтисодиёт ва молия вазирлиги.
Агар солиқ қўлланса, у батареянинг қувватига қараб ўзгаради. Енгил электромобиллар учун тўлов 5 мингдан 10 минг сўмгача, электр юк машиналари учун эса 370 минг сўмгача бўлади.
Натижада Иқтисодиёт ва молия вазирлиги 14 миллиард сўмга яқин маблағ йиғишни кутмоқда. Кейинчалик олинган маблағларни Атроф-муҳитни муҳофаза қилиш вазирлигига ўтказиш режалаштирилмоқда.
Мавзуга оид
10:28 / 20.11.2023
Ҳиндистон Ўзбекистонда электромобил аккумуляторлари ишлаб чиқариши мумкин
12:06 / 10.07.2022
Финлар янги аккумулятор ихтиро қилишди: унинг асоси оддий қумдан иборат
11:38 / 23.06.2021
Ўзбекистонга олиб келинаётган электромобилларнинг 80 фоизи Хитойдан импорт қилинмоқда
19:15 / 17.06.2021