Huquqshunos O‘zbekistonda stipendiyalar miqdori qanchaligi haqida ma'lumot berdi

Xushnudbek.uz sayti O‘zbekiston oliy o‘quv yurtlaridagi stipendiyalar miqdorini keltirib o‘tdi.

Bunga ko‘ra: eng nomdor stipendiya O‘zbekiston Respublikasi Prezidentining davlat stependiyasi 829.480 so‘m; Beruniy, Ibn Sino, Navoiy, Ulug‘bek va Imom al Buxoriy nomidagi davlat stipendiyalari esa 574.948 so‘mni tashkil qiladi.

Shuningdek, reyting nazorati natijalari bo‘yicha stependiyalar miqdori: “5” (86-100 ball) baho uchun 439,372 so‘mni, “4” (71-85ball) baho uchun 329,529 so‘mni, “3” (56-70 ball) baho uchun 219,686 so‘mni tashkil qiladi.

Ushbu summalar odatiy stipendiyalar hisoblanib, yetim bolalar hisobidan bo‘lgan va ota-ona qarovisiz qolgan talabalarning, harbiy xizmatchilar hisobidan bo‘lgan, baynalmilal burchini bajarishda yaralanish oqibatida nogiron, kontuziya, kasal bo‘lgan talabalarning, harbiy-baynalmilal hisobidan bo‘lgan talabalarning, eshitish, gapirish qobiliyatidan mahrum va ko‘zi ojiz talabalarning stipendiyalari miqdori odatdagi stipendiyadan ma'lum ravishda ko‘proq summani tashkil qiladi.